Gelo sûc yê ”Rudaw”ê ye, ku Bakurî bi tirkî dipeyivin?

Gelo sûc yê ”Rudaw”ê ye, ku Bakurî bi tirkî dipeyivin?

Têmûrê Xelîl

Di medya civakî da min ev nivîsa birêz Zinarê Xemo dît ku ser rêportajeke Rudawê nivîsîye:

    1. -Sosireteke giran e, Rûdaw di vê xebera xwe ser koçerên Geverê jî bi bêrîvanên kurd ra bi tirkî dipeyive, navê zozanên bêrîvan diçinê bi tirkî nivîsî ye.
    1. Rûdaw çima wiha dike ez nizanim.
    1. Bi baweriya min dibê kurd û xwendevanên Rûdawê vê tirkperweriya Rûdawê, vê siyaseta Rûdawê ya weşanê rexne û şermezar bikin.
    1. Şermeke pir mezin e rojnamevan û nûçegîhanekî kurd li çiyayên Colemêrgê û Gewerê bi bêrîvanên kurd ra bi tirkî bipeyive.
              Gerek meriv weşaneke wiha şerm bibîne, qebûl neke û protesto bike…

Rêportaj li vir e:

http://www.rudaw.net/kurmanci/kurdistan/060620171?keyword=gever

Ya pêşin, di rêportajê da xuya nabe, ku ”Rûdaw di vê xebera xwe ser koçerên Gewerê jî bi bêrîvanên kurd ra bi tirkî dipeyive”. Nayê fêmkirin, ku birêz Zinarê Xemo bo çi û ser çi bingehê dinivîse, ku Rudaw bi bêrîvanan ra bi tirkî diaxive? Rudaw her tenê bi kurdî dipeyive û yên ku bi tirkî dipeyivin her tenê kurdên Bakur in.

Nûçegihana Rudawê tenê bi kurdî û bi kurdîyeke gelekî xweş xeber dide, heta kubra wê jî kurmancî ye. Ango reportaja Rudawê bi kurmancî ye û pir xweş e. Ma qey Rudawê an jî amadekara reportajê ji bêrîvanan ra gotine bi tirkî biaxivin? An jî, bêrîvanan bi kurdî xeberdan, Rudawê got na, bi tirkî biaxivin?

Ji bilebila bêrîvanên kurd a bi tirkî xuya dibe, ku tirkîaxivîna wan gelekî bi dilê wan e. Mesele hezkirina ji tirkîaxivîna kurdên Bakur e û zêde ne tiştek e. Ma qey Rudaw navê kurdî a zozanan zanibûye, lê navê wan yê tirkî gotîye? Ji kurdên tirkîaxêv pirsîye, wana jî navê zozana xwe yê bi tirkî gotîye: “Buyuk çiftlîk”. Lê dîsa jî nûçegihana Rudawê di reportajê da navê wê yê kurdî dide, dewsa gotina tirkî “Buyuk” dibêje “Mezin”.

Rûdawê di ser da jî eyba kurdên tirkîaxêv nerm kirîye û karê xwe giran kirîye, axavtina tirkîaxêvan him bi dengê xwe, him jî bi nivîsar wergerandîye û bi kurdî raberî me kirîye.

Tu eleqê dezgehên Başûr ji tirkîaxivîna kurdên Bakur, ji sîyaseta rêxistina kurdan a bo piştgirîya yekparîya Tirkîyê tune.

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev