Nameyên evînî -4

Nameyên evînî -4

Xwendevanên delal, em beşa xwe a nû bi navê “Nameyên evînî”, bi rêberîya nivîskara malpera me Nura Şane berdewam dikin. Îro nivîsa me a çaran e.

Hûnê di nivîsên Nurayê da evîna ser asta bilind, paqij, wek ava çavkanîyan zelal hîs bikin, a here giring jî, bi zimanê dayîkê.

Belkî dijwarîya here mezin di vê beşê da ev be: -Emê çawa bikin ku evîna mezin û erf-edetên kal û bavan li hev bikin, bi hev ra bikemilin û rêya xwe a bextewarîyê bibînin?

Hêvîya me di çareserîya vê pirsê da ew e, ku evîna mezin herdem rast e, madem rast e, gerekê bi ser keve.

Em îro çend fikirên ji nameyên evînî çap dikin, ku Nura Şane amade kirine. Dibe ji wan nameyan hinek ji Nurayê ra hatibin şandin. Wê demê qîmetê wê nameyê bilind dibe, ji ber ku emê hîs bikin, ku rêvebira vê beşê ne tenê bi pênûsê nivîsîye, lê bi dil ruh û hîsan va jî.

 

Nura Şane

***

Şev vedigerim mal çardera derî da tu, çavên te…

Alan ji mektebê hatibe bira pola çend a da be?
Ez mêrekî dilzîz im. Min fîlmek temaşe kiribû yeka fransî bi navê “Jesuis un Sentimental.”
Ez dibêm qey wek wî mêrikî me.
Hêrsa min rabe, dibe lehî. Kêfxweşî û xemgîniya min di kûrahiya min da mezin dibe, lê xuya nake.
Tenê bi te bi hêz im, tu jiyan î, dilê min. Tu nebî ez mirî me. Ji min hezbike. Emê bijîn.

***

Ez carina li ser xwe jî ecêb dimînim, ku ewqas evîn di min da çawa heye, ku her ro wek dînan ji Nura xwe hez dikim. Dema difikirim, ku rastî te nehatama û min evîn, xweşîya evînê nedîta û ji cihanê biçûma, çi heyf bû, ezê çiqas guneh bûma, ku minê nizanibûya evîneke ha heye û minê ev hîsên xweş texmîn nekira. Dema tu ji min dûr ketibûyî, min ji xwe ra digot: -Bo çi difikirî, dema te ew evîna mezin dîtîye.

***

Te bi evîna xwe ez derman kirim. Weke ku te ji min ra îzbat kir, ku keçên din dikarin kêfxweşîyeke wisa ji te ra bînin, ku tu kêfxweşîya rast nebînî yanî tu di jîyana min da peyda nebûyayî, wê keçên din kêfxweşî ji min ra banîyana, minê jî bawer bikira ku ew kêfxweşîyên bextewarîyê ne. Lê ji peydabûna te min bextewarîya xwe a bi wan keçan ra û berxtewarîya xwe a bi te ra da ber hev, min dît ku bextewarîya rast bi te ra ne. Eger min bextewarîya bi te ra nedîta, minê wisa zanibûya ku bextewarî ha ye. Ango, minê nizanibûya ku bi min va wisa xuya dibe, ku ew bextewarî ye (ji ber ku min a rast, ango, a bi te ra, ne dîtîye).

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev