Ma ken jî yê te bû?

Ma ken jî yê te bû?

Qasimê Xelîlî

 

Erê dil yê te bû

Erê fermandara kaniyan tu bû yî

Te bendav li ser hinarikan

Û kortên çavan ava dikirin

Erê tu xwedîheybet bû yî

Bi yek awirî te çîkên agirî berdidan

Nava her qurçikeke dilî

Ew dilê ku li her qurçikeke wî

Mizgevteke te lê avakirî

Dilê ku çavşilê te

Ku her di hucreyeke dil de

Dil di cezbeya te de

Xwewundakirî…

Erê dil yê te bû

Milkê te yê tapokirî…

Ma ken jî milkê te bû

Şêxa minê?

Te ken bir û kenek jî ji hiznê werand

Bi ser serê evîna min a sofî ji bo te

Xweşik û hesena minê

Her êvar û sebaha minê

Efyon û tiryaka minê

Destgirtiya minê

Dilgirtiya minê

Jina minê

Dîna minê

Ya minê

Li minê

Hizneke qeşagirtî û zivistanî

Dikwîîîtîne niha di vî dilî de…

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev