Li ser yarsanan çavkaniyeke girîng: Kurdên Yarsan (Dîrok û Mîtolojî)

Li ser yarsanan çavkaniyeke girîng: Kurdên Yarsan (Dîrok û Mîtolojî)

Berhemeke kêrhatî ji weşanxaneya AVESTA

Lêkolîna Shahab Vali “Kurdên Yarsan (Dîrok û Mîtolojî)” di nav weşanên Avesta de derket. Xebat ji aliyê Sevda Orak Reşitoğlu ve ji fransî bo kurdî hatiye wergerandin.

Shahab Vali, di pêşgotina çapa kurmancî de dibeje: “Çavkaniyên ku bi piranî destxet in û nehatine çapkirin, bingeha vê berhemê pêk tînin û berhevkirina wan di sala 1988an de li herêma Gûranê dest pê kir. Lêgerîn û berhevkirina van berheman heta sala 2008an berdewam kir. Di vê pêvajoyê de analîzkirina van berheman bû mijara xebatên min ên master û doktorayê jî her wiha.

Encama lêkolînên ku min li ser kurdên yarsan kirin, di sala 2011an de bi fransî wek pirtûk çap bû û ev çavkaniyên ku dikarin wek bingehek ji bo çanda kurdan bêne hesibandin û heta wê demê nehatine zanîn, cara ewil wek xebateke akademîk ji bo têkildaran hat pêşkêşkirin.

Berhema li ber destê we ji ya fransî cudatir e. Ango, ji ber kumuxatabê pirtûkê bêtir xwendevanên kurd in, hin beş jê hatin derxistin û hin beşên nû li ser hatin zêdekirin.” Shahab Vali  di vê xebatê de kurdên yarsan, bîrûbaweriyeke nepenî a Kurdistanê bi me dide naskirin; dîrok, bawerî û mîtolojiya wan analiz dike.

Kurdên Yarsan
Dîrok û Mîtolojî
Shahab Vali
Wergera ji fransî: Sevda Orak Reşitoğlu

ISBN: 978-605-2246-00-9
21.5×13.5, 464 rûpel 50 TL

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev