Pirsa we û bersîva me – 128

Pirsa we û bersîva me – 128

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew an bi xwe, an jî bi alîkarîya redaksyona malpera me bersîva pirsên we bide.

Emê çend heftêyan cûrê pirskirin û bersîvdanê biguhêrin. Ne ku wê xwendevan pirsan bikin û emê bersîvan bide, lê Nura Şane wê pirsan li zimanhezekî me Qasimê Xelîlî bike, hemû jî pirsên derbarê zimanê kurdî da. Bo pêkanîna vî karê pîroz di navbera malpera me û Qasimê Xelîlî da lihevkirinek heye.

 

Pirsa Nura Şane û bersîva Qasimê Xelîlî

 

Pirs: Gelo hûn dikarin behsa HIN TAYBETMENDÎYÊN DEVOKA TORÊ bikin?

 

Bersîv: -Di devoka Torê (derdora Kerboran, Hezex, Midyad, Kercews, Nisêbîn heta em dikarin bibêjin derdora Qamişlo jî…) de paşgirên cihnav ên kesane weha ne:

 

Ez …. -im

Tu ….. -ê (Di kurdiya standard bûyî de bêhtir ev -Î ye.)

Ew …. -ê (Di kurdiya standard bûyî de bêhtir ev -E ye.)

 

Em …. -in

Hûn … -in

Ew  …  -in

 

mînak:

 

Ez dixwim

Tu dixwê  (Nabêjin: “Tu dixwî.”)

Ew dixwê (Nabêjin: “Ew dixwe.”)

 

Em dixwin

Hûn dixwin

Ew dixwin

 

Ji ber, di kesê yekhijmar ê sêyan de paşgira “-Ê dibe -E gelek kes dibêjin qey çi paşgira bi -Ê biqede dibe -E û ji nezaniyê diçin di nivîsên xwe de paşgira kesê yekhijmar ê duyan jî dikine -E.

 

mînak:

 

Tu xwe çi dihesibîne?

Tu çi dixwe?

Tu dizane.

Tu dê bibêje.

Ger tu şekir be ez jî hunguvîn im.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev