Edebîyeteke ha xweş jî heye!

Edebîyeteke ha xweş jî heye!

Kovan Baqî

 

* Ku we hê H. Kovan Baqî nexwendibe, we gelek tişt wenda kirine…
H. Kovan Baqî, di sala 1972’an de li Heramya/Dêrika Çiyayê Mazî/Mêrdîn ji dêya xwe welidî. Dibistana seretayî li Heram-ya/Dêrikê xwend û dev ji xwendina dibistanê berda. Niha li Îz-mîrê dijî. Zewicî ye. Bavê du lawan e. Ligel çîrok û romannûsiyê, ceribînan jî dinivîsîne.

 

* * *

KÎ-

Zarokekî mezinbûyî bûm. Min di mirêkê de dest bi rûyê xwe da, bêhna porrê dêya min jê dihat, sermest bûm. Û ji hilma min, hilma yara min a esmer– min kişand kezeba xwe, bûm eşqkêş, serîxoş û dîwane. Manyaxê bi navê Ez, di nava serê min de wenda bû û êdî wexta min tunebû li xwe bigerim. Ma wexta min hebûya jî, ez ê li xwe bigeriyama qey, meyger-

 

Kovan Baqî

SÎ’BERA ZEYNO

“Ji bo edebîyata H.Kovan Baqî, divê mere dakeve bin erdê û bide dûv ruhê mirîyan. Di vê meşê de pênûsa KovanDînizm berê me dide gerdûna kaotîk a Kurmancî û derîyê afirîneriyê bi şêwazeke nû li me vedike. Û ev derî hezar deriyên dî vedike. Û her derîyekî dî hezar derîyên dîtir vedike. Û vebûna derîyan her berdewam dike. Di navbera KovanDînizm û KovaNizm de pirek heye; alîyekî pirê digihîne bêsînorîyê û aliyê din digihîne abaDînîyê.”
[Yildiz Çakar]

 

“H. Kovan Baqî, serdemeke nû di edebiyatê de daye dest-pê-kirin, ku sînor û bêsînoriya wê bi gotinan hatiye danîn; yanê sînor û bêsînoriya vê edebiyatê, ji HÎÇbûneke bêserî digihîne HÎÇbûneke bêbinî.”
[Asya Dawid]

 

“Ji bo çavên ku dikarin bibihîzin, guhên ku dikarin bibînin, ruhên ku dikarin bipelînin metnên Kovan cîhanên mezin in ku ji giroverika hundirê 0’ê dizên û ji îro xwe digihînin do, ji do xwe digihînin pêr, ji pêr xwe digihînin pitir pêr û ji helbestê digihînin çîrokê, ji çîrokê digihînin efsaneyê, ji wê digihînin destan û romanê û antîromanê û dîsa vedigerin di hundirê 0a xwe de rûdinên an jî îluzyoneke werê çêdikin…”
[Umran Aran]

 

“Dikare bê gotin ku bi ezmûnên modernîst re gelek berhemên ecêb, metnên li dijî adetên edebî derketin. Heta hinek jê seba ku pêwendiya navbera bûyeran pirr sist e, ne diyar e ka xwediyê rêzebûyerekê ne an na. Mesela Ulyssesa Joyce, Kara Kitapa Orhan Pamuk, Kapanda Üç Kaplana Cabrera Infante, di edebiyata kurdî de Heteroglossîaya H. Kovan Baqî…”
[Ramazan Alan]

 

Riataza

Derheqa nivîskar da

Hkovan Baki

Piştî xwendinê, karê wî yê sereke nivîskarî û weşangerî ye. Berpirsê weşanxaneya NA ye. Gelek pirtûkên wî yên edebî bi zimanê kurdî derketine.

Qeydên dişibine hev