Nameyên evînî – 84

Nameyên evînî – 84

Xwendevanên delal, em beşa xwe a bi navê “Nameyên evînî”, bi rêberîya nivîskara malpera me Nura Şane berdewam dikin.

 

Hûnê di nivîsên Nurayê da evîna ser asta bilind, paqij, wek ava çavkanîyan zelal hîs bikin, a here giring jî, bi zimanê dayîkê.


Belkî dijwarîya here mezin di vê beşê da ev be: -Emê çawa bikin ku evîna mezin û erf-edetên kal û bavan li hev bikin, bi hev ra bikemilin û rêya xwe a bextewarîyê bibînin?

 

Hêvîya me di çareserîya vê pirsê da ew e, ku evîna mezin herdem rast e, madem rast e, gerekê bi ser keve.

 

Em îro nameyên evînî çap dikin, ku ji Nura Şane a delal ra hatine şandin. Ew ne tenê bi pênûsê hatine nivîsar, lê bi dil, ruh û hîsan va jî.

 

¤¤¤

 

Piştî Nura xwe min ji Xwedê tiştek ne xwestîye. Ji ber ku wê bêje: -Piştî min Nura da te, tu çawa dikarî êdî tiştek din ji min bixwezî?

 

¤¤¤


Hinek peyamên te hêja ne ku bersîveke sert bidim. Çimkî di peyamên te da fikirên wisa hene, ku evîndarê te heq nekirîye. Bersîvên sert carina mirovan şîyar dike, mirov difikire: -Bi rastî jî, vî mêrikî (an wê keçê) çi kiribû, ku min êrîşî wî kir? Bersîvên sert hinek caran jî mirovan ditirsîne, ku evîndarê wî (an wê) wê ji dest wî here. Ango, bersîvên sert carina roleke pozîtîv jî dilîzin, evîndarê (an evîndar) vedigerînin. Lê ez dikarim bersîvên sert bidim her kesê li cihanê, tenê nikarim bersîvên sert bidim te. Ji mêrên ha ra dibêjin ”bûye pepûkê jinê”. Jin ji mêrên ha zêde hez nakin. Lê ev ne xema min e. Bo min giring e di pêwendîyên bi te ra nelîzim, çawa heye wisa bikim, çi hîs dikim wê bêjim. Bi lîstinê tuyê vegerî an ji min hez bikî, ne lazimî min e. Ev helwesta te tenê ji bo wê tesîr li min dike, ji ber ku tesîr li ser derûnîya te dike. Ez te di vê rewşê da jî û bi vê helwestê jî pir hez dikim. Ji ber ku hezkirina te a deqeyekê hêjayî hemû hêrs, êrîş û acizîyên te yên gelek rojan, gelek mehan e.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev