Zera binavûdeng me heyrî dihêle…

Zera binavûdeng me heyrî dihêle…

Beriya demekê hunermenda navdar Zarayê di rûpela xwe ya tora civakî de beşekî kilama xwe ya nû parve kir. Ew kilam, li ser miroveke herî hêja ya di jiyana her kesî de: li ser dayîkê ye.

Heyran û aboneyên Zarayê gelek ji kilamê hez kirine û sedan şirove û gotinên xweş pêşkêşî hunermendê kirine û hêvî kirine ku di demeke nêz de temamîya kilamê bibihîzin.

Zarayê bi xwe mikur li xwe hatiye ku ew berhem, ji bo wê ne tenê kilamek e, belkî derfetek e, ku kariye hestên xwe yên cuda cuda bîne ziman, hestên mîna: minetdarî û hezkirin, spasdarî û poşmanî û her weha tirsa şikênandina xeyalên mirovê xwe ya herî dilovan…

 

Zara pê bawer e ku tenê kilamên weha derfetan didin, ku her yek ji me bikaribin kesera dilê xwe vebêjin. Zara dibêje, mixabin, temena me çend mezintir dibe, em ew çend kêmtir evîna xwe ya ji bo dayikên xwe tînin ziman. Ji bo Zara kilama “Dayê” duqat hêjaye, ji ber ku ew, bi zimanê kurdî hatiye nivîsîn.

Hêjayî gotinê ye ku tîmeke înternasyonal li ser kilama “Dayê” xebitiye. Awaza kilamê ji aliyê hunermenda Îsrayîlî Yasmîn Levî hatiye nivîsîn û gotinên kilam jî encamê keda hunermenda kurd a navdar Tara Mamedovayê ye. Li ser aranjeya wê jî, sound-producerên herî xurt ên Ermenistanê – Karên Hambardzûmyan û Sêvak Mêlkonyan ked dane.

Kilama “Dayê” îro êdî li hemû qadên muzîkê berdest e:

https://band.link/Daye

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev