Nêçîrvan Barzanî bi xwendina qewleke Êzidiyan: Êzidî û Kurdistan ji hev nayên cudakirin

Nêçîrvan Barzanî bi xwendina qewleke Êzidiyan: Êzidî û Kurdistan ji hev nayên cudakirin

Hewlêr (Rûdaw) – Serokê Herêma Kurdistanê, Nêçîrvan Barzanî di merasima bibîranîna qurbaniyên komkujiya Kurdên Êzidî de li Duhokê, qewleke êzidiyan xwend, ku têde tê gotin, Êzidî Kurd in û nasnameya wan Kurdistanî ye.

Nêçîrvan Barzanî di merasima 5. Salvegera komkujiya Kurdên Êzidî de ku li bajarê Duhokê bi beşdariya Mîrê Kurdên Êzidî, Mîr Hazim Tehsîn Beg û gelek rayedarên Herêma Kurdistanê û nûner û konsulên welatên biyanî birêve diçe, tekezî li ser nasnameya Kurdbûn û Kurdistanîbûna Kurdên Êzidî kir.

Nêçîrvan Barzanî di dema xwendina gotara xwe de, qewlek Kurdên Êzidî jî xwend ku têde tekezî li ser şanazîkirina êzidiyan bi Kurbûn û Kurdistanîbûna xwe tê kirin.

Nêçîrvan Barzanî ragihand, ku Kurdistan û Êzidî ti cara ji hev nayên cudakirin.

 

Qewla ku Nêçîrvan Barzanî xwend bi vî awayî ye:

Em Êzidî ne

Ser navê Sultan Ezîn e

Bi ol û erkê xwe di razî ne

Cabê bidin Kurdistanê

Bila qayim bikin Îmanê

Şerfedîn mîr e li dîwanê

records Source:https://www.rudaw.net/NewsDetails.aspx?pageid=459768&fbclid=IwAR0VylEunS5VOY3F-QKHPJrJMjqwAj-isHU1Fzk_X4ZsYTVDPOZAtn6UMsE

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev