Pirsa we û bersîva me – 143

Pirsa we û bersîva me – 143

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew an bi xwe, an jî bi alîkarîya redaksyona malpera me bersîva pirsên we bide.

Emê çend heftêyan cûrê pirskirin û bersîvdanê biguhêrin. Ne ku wê xwendevan pirsan bikin û emê bersîvan bide, lê Nura Şane wê pirsan li zimanhezekî me Qasimê Xelîlî bike, hemû jî pirsên derbarê zimanê kurdî da. Bo pêkanîna vî karê pîroz di navbera malpera me û Qasimê Xelîlî da lihevkirinek heye.

 

Pirsa Nura Şane û bersîva Qasimê Xelîlî

 

Pirs: Gelo tu dikarî bêjî ji van herdu cûreyan kîjan rast e? “BIBORÎNE” AN “BIBORE”?

 

Bersîv: BIBORÎNE: Tiştekî kesekî di derekê de biborîne/bibuhurîne, tê re derbas bike. Derbaskirin, xerckirin.

 

Mînak:

De were vî kerî di vî borî re biborîne!

Rojên xwe yên mayîn xweş biborîne.

 

BIBORE/BIBIHURE:

Ji kesekî li hember mirovî re tê gotin.

Bi wateya jê/tê bibuhure.

Bi mecazî:

Di derheqê qisûr û kêmasîya min de di heqê xwe bibuhure/dev ji heqê xwe yê di stû min de berde, min efû bike.

 

Mînak:

Li min bibihure/bibore.

Ez li te bihurîm.

 

Çênabe mirov ji bona “Min efû bike!” bibêje: “Biborîne!” Meneyeke bêelaqe û ne xweş jî jê derdikeve bi vî awayî!

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev