Pirsa we û bersîva me – 146

Pirsa we û bersîva me – 146

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew an bi xwe, an jî bi alîkarîya redaksyona malpera me bersîva pirsên we bide.

Emê çend heftêyan cûrê pirskirin û bersîvdanê biguhêrin. Ne ku wê xwendevan pirsan bikin û emê bersîvan bide, lê Nura Şane wê pirsan li zimanhezekî me Qasimê Xelîlî bike, hemû jî pirsên derbarê zimanê kurdî da. Bo pêkanîna vî karê pîroz di navbera malpera me û Qasimê Xelîlî da lihevkirinek heye.

 

Pirsa Nura Şane û bersîva Qasimê Xelîlî

 

Pirs: Gelo “DEMJIMÊR” KENGÎ RAST E?

 

Bersîv: Di îngilîzî de ji bo peyva “seet”ê bi qasî ez dizanim sê nav hene:

1- hour:  Ji bo seeta demê.

2- whatch: Ji bo seeta dest û zendan.

3- clock: Ji bo seeta bi dîwêr ve.

 

Di kurdîya di nav gel de ji hemûyan re em dibêjin SEET. Ez bixwe li dijî xirakirin, pêleyîstin û endezyarîyên zimên im. Di eslê xwe de bi çi zimanî be bila be heke peyvekê di nav gel de bi sedan salan cihê xwe girtibe ne rast e mirov wê peyvê ji zimên biavêje û peyveke çêker û laburatuarî li şûnê bi kar bîne.

 

Heke dîse jî bête gotin, “Ev peyv ne bi kurdî ye, di eslê xwe de bi erebî ye û de ka em peyvekê jê re çêbikin.” an divê ew peyva nû cihê van her sê bikaranînên jorîn bigire û an jî divê ji bo her yek ji wan bikaranînan peyveke cuda were dîtin.

 

Îcar bi min peyva DEMJIMÊR (Ji bandora KATJIMÊRa soranî van salên dawî li kurmancî hate zêdekirin) heçku cihê seetên alavî çi ya zendan be çi ya dîwaran be digire lê cihê seeta demî bixwe nagire.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev