Pirsa we û bersîva me – 149

Pirsa we û bersîva me – 149

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew an bi xwe, an jî bi alîkarîya redaksyona malpera me bersîva pirsên we bide.

Emê çend heftêyan cûrê pirskirin û bersîvdanê biguhêrin. Ne ku wê xwendevan pirsan bikin û emê bersîvan bide, lê Nura Şane wê pirsan li zimanhezekî me Qasimê Xelîlî bike, hemû jî pirsên derbarê zimanê kurdî da. Bo pêkanîna vî karê pîroz di navbera malpera me û Qasimê Xelîlî da lihevkirinek heye.

 

Pirsa Nura Şane û bersîva Qasimê Xelîlî

 

Pirs: Gelo ferqa di nava van gotinan da çi ye? Peyvên ÎCA û VÊCA’yê

 

Bersîv:Ev Î’ya di serê peyva ÎCA’yê de, di eslê xwe de peyvek e lê kin bûye û hatiye guherîn û vê paşîyê weke pêşgirekê lê hatiye.

 

Î’ya li vir, bi maneya EV’ê ye. Ango rengdêreke şanîdanê ye. Soranîya min nîn e lê bi qasî ez dizanim di soranî de jî weke EM’ê tê bikaranîn.

 

mînak:

Bi soranî: em roj, em sal, em şew, em car

Bi kurmancî: ev roj, ev sal, ev şev, ev car (ji kinkirina ‘evê rojê, evê salê, evê carê’)

 

Ev jî bi domana demê re weha lê hatine: 

Îroj, Îsal, Îşev, Îcar

 

Yanî ya kin, peyva ÎCA jî ji kinkirina ÎCAR’ê û ew jî ji kinkirina EV CAR’ê tê. Bi maneya “vê carê, vê neqlê” ye.

 

Ew jî, di hin devokinan de kin bûye û bûye weke  ÎJA (hinekan N lê zêde kirine û weke ÎNCA dibêjin. Dibe ji ÎN’a farisî jî hatibe. Di farisî de ÎN bi maneya EV’ê ye.)

 

Bi heman mentiqê, peyva VÊ CARÊ kin bûye û weke VÊCA û VÊCE lê hatiye.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev