Edebîyata kurdî – pirtûka dersê

Edebîyata kurdî – pirtûka dersê

Pirtûkeke kêrhatî û kardar ji APECê

 

Grupa amadekar: Alî Çîftçî, J. Îhsan Espar, Mahmûd Lewendî, Hesenê Metê, Amed Tîgrîs
Lêhûrbûna zimanî: Remzî Kerîm 

”Edebîyata kurdî – pirtûka dersê” bêhtir ji bo xwendekarên lîseyê hatiye amadekirin. Giranîya vê pirtûkê bi kurtî li ser dîroka ziman, klasîkên kurdî, ekola ”Hawar”ê, edebîyata modern û folklora kurdî ye. Di edebîyata kurdî de me bitenê berhemên zaravayê kurmancî hilbijartin. Ji ber vê yekê jî me navê wê danî ”Edebîyata kurdî – pirtûka dersê bi kurmancî”.

Ev pirtûk ne antolojîya edebîyata kurdî ye, armanc ji vê pirtûkê ew e ku di dersên kurmancî de di derheqê edebîyata kurdî de zanîneka bingehîn pêşkêşî şagirdan bike. Ji ber vê yekê jî di hilbijartina berheman de me xwe bi sînor kir. Û bêguman di edebîyata kurmancî de gelek berhemên hêja û nivîskarên qedirbilind hene ku di vê pirtûkê de cîh negirtine.

Heta ku ji destê me hat, me ji nivîskaran berhemên li gor asta xwendekaran û ji kurmancîya navçeyên cuda cuda hilbijartin. Em welê bawer dikin ku ev di warê nivîsa kurmancîya giştî de ji bo şagird û mamosteyan bibe alîkar.

Di vê pirtûkê de ji bo silametîya kurmancîyê me çend prensîp dan ber xwe. Ji bo ku xwendekar koka gotinê wenda neke û jê re nebe serêşî, me di rewşa tewangê de koka orîjînal ya gotinê parast. Nimûne: gotina ”rê” weke ”rêya min”, ”dê” weke ”dêya min”, ”alîkarî” weke ”alîkarîya min”. Û ew gotinên ku bi çend babetan di tekstên pirtûkê de hebûn, me ji wan yek hilbijart daku tevlihevî çênebe. Weke nimûne: ”dinya”, ”dunê”, ”din”ê me weke ”dunya” bi kar hanî.

 

Grupa amadekar

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev