Nameyên evînî – 111

Nameyên evînî – 111

Xwendevanên delal, em beşa xwe a bi navê “Nameyên evînî”, bi rêberîya nivîskara malpera me Nura Şane berdewam dikin.

 

Hûnê di nivîsên Nurayê da evîna ser asta bilind, paqij, wek ava çavkanîyan zelal hîs bikin, a here giring jî, bi zimanê dayîkê.


Belkî dijwarîya here mezin di vê beşê da ev be: -Emê çawa bikin ku evîna mezin û erf-edetên kal û bavan li hev bikin, bi hev ra bikemilin û rêya xwe a bextewarîyê bibînin?

 

Hêvîya me di çareserîya vê pirsê da ew e, ku evîna mezin herdem rast e, madem rast e, gerekê bi ser keve.

 

Em îro nameyên evînî çap dikin, ku ji Nura Şane a delal ra hatine şandin. Ew ne tenê bi pênûsê hatine nivîsar, lê bi dil, ruh û hîsan va jî.

 

¤¤¤

Ez te winda bikim, ezê hîç tiştek jî hîs nekim, ji ber ku ezê tunebim.

 

¤¤¤

Min evîna xwe daye destê te û deynî jî ji te bixwezim, tu nadî.

 

¤¤¤

Hinek caran evîna pêşin dibe evîna rast, a here xurt. Xeyala min (a bûye rastî) a here sereke ew e, ku evîna te a pêşin bûye evîna here rast û here xurt.
Daxweza min ew e, ku ev nivîsa min alî te bike, bona tu hîç caran nekevî rewşeke wisa wek ku niha tê da yî û wek min hîç sanîyekê jî di hindava evîndarê xwe da bêdeng nebî. Ji hemûyan pirtir bêdengîya te min xemgîn dike. Ez zanim, ku te jî xemgîn dike. Çareserî di destê me da ye. Zêde jî di destê te da ye.
Eger ez vê nivîsa xwe îmze û mohr bikim, îmze û mohra min ev e: -Ez qurbana Nura xwe bim.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev