Pirsa we û bersîva me – 158

Pirsa we û bersîva me – 158

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew bi alîkarîya redaksyona malpera me bersîva pirsên we bide.

Vê carê Nura Şane alîkarî ji redaksyona malpera me xwest û me bo bersîva pirsê berê xwe da zimanzanê navdar, Dr. Lezgînê Çalî.

Mêze bikin me bersîveke çi xweş jê sitend.

 

 

Pirsa Darêcana Bayloz û bersîva Lezgînê Çalî

 

Pirs: – Ez pir caran ji hinek kesan dibihîzim, ku dibêjin ”Spas xweş” û her caran jî texmîn dikim ku guhê min wê gotinê qebûl nake, weke ku gotineke çêkirî ye.

Gelo malpera we dikare ser vê pirsê zelalîyeke bike?

 

Fermo, bersîva doktor Lezgînê Çalî

 

Bersîv: Spas xweş bi rastî jî ne çi bersiv e. Dema yek spasîya te bike û tu bibêjî spas xweş, nizanim spas çi ya te an ya wî/wê kesî/kesê ye ko ji te ra dibêje spas? Ew der kîdera wî/wê ye ko xweş bibe. Ji bo mînak yek ji te ra dibêje “ser çavan” û tu dibêjî “çavên te neêşin”. Lê spasa wî dê çawa xweş bibe? Ko spasa yekî xweş bibe, anko dikare ne xweş jî bibe, ne?


Bersivên herî baş ji bo spasê dikarin ev bin: 1. Min tiştek nekirîye (ko hêjayî spaskirinê be), 2. Rica dikim, ne çi tiştek e, 3. Tu hêja yî, 4. Tu ji vê jî hêjatir î, 5. Ser çavan keko/delalê, 6. Ji bo te çi bikim kêm e, 7. Pêdivî spasîyê nake.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev