Çemê Dicle

Çemê Dicle

Ev jina kurd a helbestvan qedirekî mezin dide malpera me,

 lema helbesteke xwe ji me ra şandîye.

Em jî qedirekî mezin didin vê xanima delal û helbesta wê û çap dikin.

 

Narîn Omer

 

Tu her çaxan newavîn î

meqamên rengereng tînî

Silavên xweş ji kû hatin

bi çavên geş dimeyzînî

Silavên Dêrika Hemko

kulîlk in jê re rengîn î

Meya Indîwerê kef da

Peya lên zer dineqşînî

xeyalên dil semadar in

tu temtêl î tu raxwîn î

Buhar zû tê li canê min

erê çawa dinerxînî

Pira Bafid resen text î

bi bircan her tu dengîn î

Kevanên kevneşop rewş in

dibî rêzdar û navîn î

Ciwan û kal buharvan in

ji bo dîtna te xwezgînî

Ji Xeydayê vexwim avê

bi min xweş tête avînî

Eger çavên te bê coş bin

tu yê Xeyda bi xeydînî

Bijî Dicla çemê jînê

tu alav î tu nûjîn î

diçin tev jan û xemgînî

Kenê pêlên te dijwar hat

kela giryê min dertînî

Tu jî wek min evîndar î

bi awazên xwe zengîn î

Dibêjî min temenxort im

ez im Mem can tu yî Zîn î

Bi van peyvan dibim Basûr

diçin tev jan û xemgîn

 

 

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev