Şiireke Pîremêrd a di salên sihî yên sedsala borî

Şiireke Pîremêrd a di salên sihî yên sedsala borî

Tîpguhêzî û Kurdîya Kurmancîya wê: Zîya Avci (Elîşêr)

 

Bo Mistefa Saib

 

Misto wa diyar e toş cilxwar ekey

Estot exurê û meylî meylî bar ekey

 

Name enûsît be zibanî turkî

Le milliyet da meyl be şirkî

 

Ême ke kurdîn le la man wa ye

Kurdî zibanêk e zor bêhawta ye

 

Nawî pêxember, Hemey Resull e

Niwêjman be kurdî lay Xuwa qebull e

 

Eger telqînim, be kurdî nedrê

Giwê lê nagrim, ba kifnim bidirrê

 

Ger Mernemukey ‘areb lêm pirsê

Way tê exurrim, ke ew bitirsê

 

Eme dînme û dînêkî be heq

Le ser beytî xom eger bikirêm şeq

 

Nûsîwte giwaya, wezîfem mawe

Herçîman kirduwe her natewawe

 

Çîm kirduwe êsta carê le kiwê me

Mîllet le mewdiwa umêdî pê me

 

Seyirke beharim lê bê înşalla

Le Kurdisan da, îkem be hella

 

Şîmal û cinub, têkell kem be qîn

Bilerzênmewe, gakey jêr zemîn

 

Beydaxî kurdî, bilerênmewe

Îrsî roywekan bigerrênmewe

 

Selaheddîn û Kerîm Xanî Zend

Baba Şeref Xan şay Koy Demawend

 

Bêne cimucoll, rohyan şad bê

Pê mîlletekem, le bend azad bê

 

Le ser her kêwê, şêrê têxurrê

Naw cergî hemû, dujminan bibrrê

 

Ew ca serbestî, be ême edrê

Xêyr ewan bîden, kellk nagirê

 

Namewê bîden, ah bê, bîsênim

Fikrim eme ye, heta emênim

 

Hezarî wek min, heta nekujrê

Be qellem, be xwên, mersîyey nenûsrê

 

Bew xwêne xwênî, mîllet necoşê

Mîllet bo weten, siya nepoşê

 

Kiçanman le jêr, beydaxî reşa

Çaw helnewênin, bi xwênî geşa

 

Ta xakekeman, be xwên neşorrê

Îman be sikey, rupye negorrê

 

Teşebustanî, min tewaw nabê

Mutlleq, em îşe her ebê wa bê

 

[Kurdîya Kurmancî 

Ji Bo Mistefa Saib

 

Misto, wisan dixuyê tu jî tirkhezî dikey

Pişta te dixwire û hewesa xortînîyê dikey

 

Name dinivîsî bi zimanê tirkî

Di millîyet da meyil bi hilûyî

 

Em ku kurd in li ba me waye

Kurdî zimanek e gelek bêhewta ye

 

Navê pêxember, Hemeyê resûl e

Nimêja me bi kurdî li ba Xudê qebûl e

 

Eger telqîna min, bi kurdî neyê dayîn

Ez guh nadimê, bila kefenê min bidirrin

 

Eger Mernemukê ereb ji min pirsê

Wisan lê biqêrim, ku ew bitirsê

 

Ev e dînê min dînekî bi heq

Li ser beyta xwe eger bikim şeq

 

Te nivîsîye goya, wezîfeya min maye

Her çi me kirîye her netemam e

 

Min çi kirîye niha carê li ku me

Milet ji vir şûn ve hevîyê pê me

 

Lêbinêre bila bihar li min bê înşallah

Di Kurdistanê da, bikim bi hellahellah

 

Bakur û başûr, têkel kim bi xerabîn

Bilerzînim, gayê jêr zemîn

 

Alaya kurdî, bihejînim

Mîrata çûyî vegerînim

 

Selaheddîn û Kerîm Xanê Zend

Baba Şeref Xan şahê Koy Demawend

 

Bêne livê û ruhê wan şad be

Pê milletê min ji bend azad be

 

Li ser her çiyê, şêr gurmije

Nav cergê hemî, dijminan bipije

 

Veca serbestî, ji bo me tê dayîn

Eger ew bidin, feydeyek tê namîn

 

Naxwazim bidin, ah be, bistînim

Fikra min ev e, heta dimînim

 

Hezarê wek min, heta ney kuştin

Bi qelem, bi xwîn, mersîye ney nivîsin

 

Bi wê xwînê, xwîna milet necoş e

Millet bo welat, reş nepoşe

 

Keçên me di bin, alaya reş da

Çav hilnedin, bi xwîna geş da

 

Ta axa me bi xwîn, ney şûştin

Îman bi sikey, rûpye negurin

 

Teşebisatê, min temam nabê

Mitleq, ev kare her dibê wiha bê]

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev

Bersîvekê binivîse

Your email address will not be published. Required fields are marked *