Veguhostinek ji brayê ezîz kek Zikrî Mûsa

Veguhostinek ji brayê ezîz kek Zikrî Mûsa

Xudanê nivîsê heft xalên ku birêz Zikrî Mûsa destnîşan kirine, ”sade” bi nav kirîye,

bi mebesta ku her fikirên felsefeyî jî bi awayekî sade têne gotin.

Ji van xalan û ji karê van kesan tê fêmkirin, ku hîmê avahîya Kurdistana serbixwe

zexm û qewîn e û têra her çar perçeyan dike.

Arif Zêrevan

 

Heft xalên sade

 

Yekem: Niha kolanên Iraqê, bi dijayetîkirina Herêma Kurdistanê ji aliyê şoveniyan ve hatine tejî kirin. Hemû aliyên siyasî yên Iraqê hez ji geşbûn, pêşketin û aramiya Herêma Kurdistanê nakin û lawazkirina Kurdistanê xala hevbeş ya wan e.

 

Duyem: Welatê me hatiye dabeş kirin û hatiye dagîr kirin. Çênabe em çaverêyê ewê bin ku dagîrker bi lojîkeke dostane, hevseng û dadperwerane muameleyê li gel dagîrkiriyan, yanî me bikin. Ji ber ku her li bingehê da prosesa dagîrkeriyê babetekê nedadperwerane û dijminkarane ye.

 

Sêyem: Eger nakokiyên di navbera aliyên siyasî yên Herêmê kûr û agirîn û berfireh jî bin, her hemûyan jî dozeke rewa ya hevbeş heye. Doza rewa ya gelê Kurdistanê dozeke siyasî, destûrî, dîrokî, cografî û wicûdî ye.

 

Çarem: Eger dergehê cîhana derve li ser me da girtî be, eger dagîrker firt û fêl û înkariyê li dijî me bi kar bînin wê demê ji bo rizgarbûn û serkeftinê rêyeke din heye. Dergehan ji hevdu re vekîn û fêlbaziyê li hevdu nekîn û hevdu înkar nekîn.

 

Pêncem: Gengeşeyên siyasî yên navxweyî beşek e ji prosesa geşbûna siyasî û pêgihiştinê, lê belê bi mercekê ku stratejiyeke neteweyî û berjewendiya giştî li ser rûyê hemû gengeşeyan û hêma û armancên hizbî de be.

 

Şeşem: Kêşe û girift her çende mezin jî bin, lê belê ne hêcet e ji bo xwe bi destvedanê. Hemû destkeft li nav janê da derbas bûne.

 

Heftem: Temaşayê welatên rojava bikin. Dewletên xwe ji nava dojehê derxistine û bi jan, trajedî, nebûn, birçîtî, taun û ji şewban derbas kirine.

 

Foto: Arif Zêrevan, Zikrî Mûsa û Mihemed Sanri

 

Riataza

 

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev