Pirsa we û bersîva me – 164

Pirsa we û bersîva me – 164

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew an bi xwe, an jî bi alîkarîya redaksyona malpera me bersîva pirsên we bide.

Emê çend heftêyan cûrê pirskirin û bersîvdanê biguhêrin. Ne ku wê xwendevan pirsan bikin û emê bersîvan bide, lê Nura Şane wê pirsan li zimanhezekî me Qasimê Xelîlî bike, hemû jî pirsên derbarê zimanê kurdî da. Bo pêkanîna vî karê pîroz di navbera malpera me û Qasimê Xelîlî da lihevkirinek heye.

 

Pirsa Nura Şane û bersîva Qasimê Xelîlî

 

Pirs: Gelo tu dikarî behsa vê mijarê bikî? DI RÊZİMANA KURMANCÎ DE EŞBAŞQANTÎ

 

Bersîv: Ji qewlê mamosteyekî hêja ve, “Di rêzimana kurmancî de EŞBAŞQANTÎ nîn e.” 

Yanî, di kurdî de dema behsa zayendeke nediyar tê kirin zayend tim NÊR e.

 

mînak1:

Mirovê helbestkar, divê ji nivîsandinê bêhtir bixwîne.

 

Çênabe ev hevok wiha bête nivîsandin:

Mirovê/a helbestkar, divê ji nivîsandinê bêhtir bixwîne.

 

mînak2:

Helbesta wî kesê pirxwende bitehmtir e.

 

Çênabe ev hevok wiha bête nivîsandin:

Helbesta wî/wê kesê/a pirxwende bitehmtir e.

 

mînak3:

Kesekî pirxwende jî be dema hestên helbestkarîyê bi wî re nebin dîsa nikare ti tiştê serkeftî binivîse.

 

Çênabe ev hevok wiha bête nivîsandin:

Kesekî/ê pirxwende jî be dema hestên helbestkarîyê bi wî/ê re nebin dîsa nikare ti tiştê serkeftî binivîse.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev