Banga kurdên Rohilatê Kurdistanê bo helwêsteka yekdeng

Banga kurdên Rohilatê Kurdistanê bo helwêsteka yekdeng

Daxuyanîya grûpek rewşenbîr û akademîsyenên rojhelatî liser kuştina ciwanê kurd Soran Exter Semer bi destê hêzên girêdayî PJAK/PKK ve:

Dr. Behrooz Shojai

 

Bang bo helwêsteka yekdeng!


Na bo kuştina kurdan bi destê kurdan!
Erê bo parastina kerameta mirovê kurd!

Hevniştîmanîyên hêja!

Çend roj bi ser kuştina xortekê kurd bi navê Soran Exter Semer, ku ligor salixên endamên malbata wî bixwe, bi destê çekdarên PJAKê (Partiya Jiyana Azad a Kurdistanê) hatîye encam dan, re derbas dibit. Ev çend roj in, pêjna Soran û asarên ked û êşa spêdê û êvarîyan li dêmê vî xortî hew dihête ber çavên şênîyên gundê Rûwara Hewramanê. Rojên bihên jî êdî ne zarokekê sava dê hest bi germîya hembêza bavê xwe xe biket, ne hevsereka bêçare êdî dê heta derengî şevê li benda hatina hevjînê xwe bimînit, ne jî dêûbavekê ocaxkor dê êdî li hêvîya dîdara cegera xwe bimînin. Kuştina bêrehmane ya vî ciwanê kurd bêguman naxê bi hezaran mirovên kurd wekî me hejandîye û di kûrahîya hundirê me de hesteka bêhedarî tevî êşa wijdanê afirandîye; vê êşa wijdanê teqez bi yaxa alîgir û endamên wê partîyê jî girtîye.

Di vir de pirseka exlaqî ya giring xwe berceste diket. Gelo mirovekê kurd ku şev û roj di bin zulma bêeman a dewleta Îranê de dihête çewsandin, ewê ku edebîyat, ziman û kultura wî hatîye qefes kirin, yê ku av, jîngeh, samanên siruştî û gişt şûnwar û hafizeya wî ya dîrokî hatîye zeft kirin, ewê ku jîyara wî ya sibehî ne ewle ye, yê ku xwedîyê ti sazîyeka resmî nîne, di vî darê dinê de bê dewlet û bê çare maye û sitar tine lê peya be, hûn bi kîjan pîverên mirovî û exlaqî îznê didine xwe dengê wî bibirrin, bitirsînin, heysiyet û kerameta wî bişkênin û dawîyê ruhê wî jê bistînin?

Ji bilî şermezarkirina vê kiryara kirêt, em ji her takê kurd hêvî dikîn ku kuştina Soran Exter Semer ji bo têgehîştina exlaq, mafê mirovê kurd û parastina heysiyet û kerameta takê kurd bikine xala vegereka dîrokî û şêwazekê nû yê tegihîştina exlaq û civakê. Ji ber ku:

– Parastina Jîyana takê kurd û rêzdarî û berevanî li kerameta wî hevseng e digel pêgeh û nirxên ku neteweyê kurd heye. Neteweyê kurd û ferdên vî neteweyî li Rojhelatê Kurdistanê jiber êş û azara ku kişandîye, herwiha jiber fedakarîyên nirxafrîner ku ji xwe nîşan dane, hêjayî rêzlêgirtinê ye û divêt muameleyeka exlaqmend digel bihête kirin. Ji lewre, bi dîtina me, hêrişbirin bi ser kerameta takê kurd dihête wateya hêrişbirin bi ser keramet û serwerîya gişt kurdan wekî netewe. Ev derseka dîrokî û nirxekê gerdûnî ye, ku ji Pêşewayê Mezin, Qazî Muhemmed, serokê yekem Komara Kurdistanê wekî mîras bo me maye.

– Keramet takê kurd herwiha girêdayî ye bi jîngeha kulturîya ku têde dijî; ango civaka kurd li Rojhelat di hêla dînî, zaraveyî û kulturî de jîngeheka civakî û sîyasî ya pirreng û pirrehend e. Ji ber hindê her hewleka hêrişkar li hember van taybetmendîyên cihêreng mehkûm e û her projeyek ku bixwaze di ayindeyê de – paralel digel hewlên têkderane yên dewleta Îranê – taybetmendîyên pirkulturî yên civaka Rojhelatê Kurdistanê bikete navgînê jihevbirrîna sîyasî û civakî, dê rastî helwêsteka tund bihêt.

– Kerameta takê kurd li Rojhelatê di wateya gerdûnî ya xwe de girêdayî mafên medenî, sîyasî, civakî û kulturî ye, ku ew taka wan heq dike. Ji vê perspektîvê, di paşerojê de kengê mafê derbirîna ra û boçûnê, mafê partîguhertinê, mafê beşdarî di proseya giştî ya sîyaset û mulk û malê takê kurd bikevîte ber hêrişa her hêzeka kurd de, dê helwêsteka tund li hember xwe bibînit û di dema pêdivî de hemî navendên têvel yên komelgeha cîhanî dê liser bûyerên vî çeşnî bihêne agehdar kirin.

Hevniştîmanîyên xweşdivî,

Werin em dosyeya kuştina bêtawan a Soran Exter Semer bikîn werçerxîneka dîrokî; bila ev xeleka dûmahîkê ya vê trajedîyê bit, da ku êdî ti zarokeka kurd ji germîya hembêza bavê xwe bênesîb nemînit, bila êdî ti hevser, dayîk, bav, xwîşk û bira ji vegerîyana ezîzên xwe bêhêvî nemînit. Bila her rêxistineka siyasî ya kurd ku gef û hêriş û tunekirina cism û cesteyê takê kurd wekî beşek ji metoda çalakîyên xwe dibînit li xwe vegerit û daxwaza lêborîne biket. Bila êdî çewsandina dualî liser takê kurd dawî lê bihêt.
Divêt em kerameta takê kurd di hest û hizrên xwe de bi ser her nirxî de helsengînin, jiber ku kerameta mirovî, bi exlaqê arîstotelîyan, fezîleta felsefî û nirxên gerdûnî ve girêdayî ye. Jiber ku dawîya dawî, ya ku bikarit mirovê kurd ji çîroka reş a zulma dewleta Îranê rizgar biket û rêka serwerîya sîyasî muyeser biket tenê ev kerameta ye.

Digel spas û rêzdarîyê

Azad Selewatî, çalakê sîyasî
Azad Rustemî, nivîskar
Azad Mustewfî, rojnamevan
Arêz Darapûr, Kurdocide Watch, K Rojhelatê Kurdistanê
Alan Hesenîyan, mamostayê unîversîtê,
Alan Xas, çalakê sîyasî
Alan Futûhî, vekoler û mamostayê unîversîtê
Awat Elîyar, mamostayê unîversîtê
Ehmed Libadî, çalakê sîyasî,
Ehmed Mihemedpûr, mamostayê unîversîtê
Efrasîyab Gramî, çalakê sîyasî
Evîn Ebrîşemî, çalakê sîyasî
Îqbal Seferî, nivîskar û çalakê sîyasî
Baba Şêx Nasirî, çalakê sîyasî
Brahîm Cehangîrî, çalakê sîyasî
Behram Sultanpenah, nivîskar û çalakê sîyasî
Bêhzad Xoşhalî, çalakê sîyasî
Bêhrûz Şucaî, mamostayê unîversîtê û çalakê sîyasî
Tahir Berhûn, çalakê sîyasî
Tahir Hikmet, çalakê sîyasî
Celîl Azadîxwaz, çalakê sîyasî
Cemal Necarî, nivîskar/ şair
Cemşîd Behramî, sînemakar
Cemşîd Kîyanî, çalakê sîyasî
Cemîl Kulahî, nivîskar, çalakê sîyasî
Cemîl Ehmedî, çalakê sîyasî
Cehangîr Wiryanî, çalakê sîyasî
Husêyn Bexşî, çalakê sîyasî
Heme Muhtedî, çalakê sîyasî
Xebat Resûlî, çîroknivîs
Xalid Xeyatî, mamostayê unîversîtê / çalakê sîyasî
Riza Seyyidnejad, çalakê sîyasî
Resûl Sultanî, nivîskar, şair û wergêr
Rojîn Şerîfî, çalakê sîyasî
Dilşad Hewramî, çalakê sîyasî
Suhrab Kerîmî, çalakê sîyasî
Soran Pîrotesûr, çalakê sîyasî
Seîd Axayî, berpirsê rêxistina Kazîwey Rojheľat
Selah Rehîmî, çalakê sîyasî
Şahîn Kerîmî, nivîskar, m. Unîversîtê
Şwane Rezgeyî, çalakê sîyasî
Şueyb Danişpejûh, çalakê sîyasî
Şerîf Felah, rojnamevan
Serdar Kawe, çalakê sîyasî
Şehla Debbaxî, nivîskar, çalakê sîyasî
Irfan Rehnimûn, çalakê sîyasî
Elî Eşref Muradî, çalakê sîyasî
Elî Fethî, nivîskar/wergêr
Qadir Ilyasî, çalakê siyasî û hunerî
Qasim Reyanî, çalakê sîyasî
Kawe Ahengerî, çalakê sîyasî
Kûruş Wiryanî, çalakê sîyasî
Kejal Hacî Mîrzayî, çalakê sîyasî
Kejal Mihemedî, m. Unîversîtê
Kiyareş Şehswarî, çalakê sîyasî
Mehpare Rizayî, çalakê sîyasî
Mamend Roje, rojnamevan/çalakê sîyasî
Mensûr Suhrabî, m unîversîtê, çalakê sîyasî û jîngehê
Mensûr Sidqî, wergêr/çalakê sîyasî
Nahîd Husêynî, çalakê sîyasî
Helmet Meirûfî, rojnamevan/çalakê sîyasî
Hêriş Palanî, çalakê sîyasî

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev