Çapê Diyin yê Mewlidê Kirdî Vejîya

Çapê Diyin yê Mewlidê Kirdî Vejîya

Roşan Lezgin

(Ev nûçe bi zazakî/kirdkî ye, ku zaravekî zimanê kurdî ye)

 

Mewlidê Kirdî, Kurdîya Zazakî de kitabo ewilîn o, coka metnêko muhîm o. Ehmedê Xasî (1867-1951) ke hem şair hem alimêko xurt yê zemanê xwu biyo, peynîya seserra newêsine de eno eser nuşto û 1899 de bi ruxsetê resmî Diyarbekir de weşanîyayo. Eno kitabo verîn yê kurdî yo ke bajarêkê Kurdistanî de metbea de çap biyo.

 

Mi 2009 de transkrîbeyê alfabeya latînî kerd. Dima CD de bi veng wend û Weşanxaneyê Nûbiharî 2013 de pa CD wa Îstanbul de weşana. La seba ke çapê verîn qedîya, sey çapê diyin nika newe ra ame weşanayiş.

 

Çapê diyin de metnê mewlidî sere ra heta peynî bidetay ameyo kontrolkerdiş, xeletîyê qijekî ke çapê verîn de bibî, ameyî rastkerdiş. La çiyo muhîm, mi semedê çapê diyinî Ferhengê Çekuyanê Mewlidê Kirdî amade kerd.

 

Seba ke kirdkî de hema zî yew ferhengo pîl yê îzehkerdişê manaya çekuyan çin o, coka 1006 çekuyî yan nameyê ke Ferhengê Çekuyanê Mewlidê Kirdî de estê, mi bi terzê qamûsî de îzeh kerdî, yanî heme manayê çekuyan made bi made îzeh biyê. Ena xebate bi eno hawa eşkena bibo prototîp yanî bingeyê qamûsê kirdî.

 

Ferhengê Çekuyan peynîya metnê Mewlidî de ciya ca gêno. La tercumeyê îbare, ayet, hedîs û qismê teqrîzî ke temamen bi erebkî nusîyayê zî binê rîpelan de sey cêrnot ca gênê. Bi eno qeyde wendoxî eşkenê metnê Mewlidê Kirdî hîna asan fam bikerê.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev