Ji nimûneyên zargotina me – 219

Ji nimûneyên zargotina me – 219

Em weşandina berhemên ji nimûneyên zargotina me berdewam dikin. Berhema dusedûpanzdeyan me ji pirtûka “Folklora kurmancîyê”, ku sala 1957an bi kurmancîya kirîlî ya kurdên Sovyet va hatîye çapkirin, hildaye û me ew transkrîpeyî ser herfên kurdîya latînî ya îroyîn kirîye. Vê carê emê çend stiranên bi sernavê tevayî ”KILAMÊD GOVENDÊ” raberî we bikin. Îro em beşa wê a sisîyan çap dikin.

Berevkar û amadekarê vê pirtûkê Hecîyê Cindî ye.

Berhem çawa di pirtûkê da çap bûne, em wisa raberî we dikin.

Tîpguhêzîya kurdîya ji tîpên kirîlî ser tîpên kurdîya latînî Mîdîya Têmûr û Dîdara Têmûr kirine.

Amadekar: Têmûrê Xelîl

 

Zerdê

 

Zerdê, Zerdê, zerdelayê

Zerdê ava ser misîna

Zerdê dermanê birîna

Zerdê ava ser legana

Zerdê dermanê dirana

Zerdê, Zerdê, zerdelayê

Zerdê çima bazin te nayê.

 

Yar Geveze

 

Yar Geveze, Geveze

Ez hatim te bibînim

Dê û bavê te nahêlin

Ew qelenê zef distînin.

 

Ez hatim te bixwezim

Dê û bavê te li min nazin

Ew qelenê zef dixwezin.

 

Derkê me derê weda

Derkê dêrî qul neda

Qîz xwestî, bavê neda

Bavê da, birê neda.

 

Hoynar

 

Hoynar, hoynar, hoynarê

Memik heva hinarê

Reş gulîyê belek darê.

 

Navê yara min Tûkase

Kê Tûkasê bixweze

Nebîne bext-miraze.

 

Navê yara min Emîne

Bavê lê kir temîne

“Tu ji govendê nemîne”.

 

Navê yara min Beyaze

Şera li sêrî geveze.

 

Navê yara min Kubare

Morîyê situda kar û bare.

 

Hoynar, hoynar, hoynarê

Min çevê belek xarê.

 

Her zerî

 

Her zerî, zerî, zerî

Sekinî nîvê derî

Dest avît şera sêrî.

 

Şera serî ne tu şere

Jina bi mêr ne tu yare.

 

Yartî – yartîya qîzîne

Nona şekirê şîrîne

Nona rûnê ser nîne

Nona dimsê hîzîne.

 

Dînê

 

Dînê, dînê, dînê can

Dînê mala berjêr çû

Daw û dilme bela çû.

 

Dînê qîza keşîşe

Ramûsanê kişmîşe.

 

Dîna mine Hekakî

Tu minra malê nakî

Bextê minra çûçikî.

 

Dîna mine Remoşî

Zer memika nafiroşî?

Difroşî – bikirçîme

Nafiroşî – alinçîme

Bikirçî ez eynîme!

 

Şêna min

 

Şêna min, gul şêna min

Inda neke zêna min

Kulîlka ber bîna min.

Şêna min sêlê tîne

Ba tê, biskê şê dixîne

Dûmane, rê nabîne

Şêna min, gul-gul Şêna min!

 

 

Zerî

 

Zerî himama têne

Zerîyê, zerîyê, domamê.

 

Zerî hemama dimeşin

Zerîyê, zerîyê, domamê

Min xulamê.

 

Rû sorin, biske reşin

Zerîyê, zerîyê, domamê

Min xulamê.

 

Derê mala me ave

Sol, gorava da nave.

Zerî himama têne

Zerîyê, zerîyê domamê

Min xulamê.

 

Lê, lê

 

Lê, lê, lê, lê bi rûvî

Lo, lo, lo, lo rûvî, rûvî.

 

Lê, lê, lê, lê ne bi rûvîme, ne şêrim

Lo, lo, lo, lo ne bi rûvîme, ne mêrim.

 

Lê, lê, lê, lê xwe kûçada vedişêrim

Lo, lo, lo, lo xwe kûçada vedişêrim.

 

Lê, lê, lê, lê Elî begê newêrim

Lo, lo, lo, lo Elî begê newêrim.

 

Lê, lê, lê, lê rûvî hate bêdera

Lo, lo, lo, lo rûvî hate bêdera.

 

Lê, lê, lê, lê cabê bidine Heydera

Lo, lo, lo, lo cabê bidine Heydera.

 

Lê, lê, lê, lê bira siyar bin şêzera

Lo, lo, lo, lo bira siyar bin şêzera.

 

Lê, lê, lê, lê xasîya mine hizmizî

Lo, lo, lo, lo xasîya mine hizmizî.

 

Lê, lê, lê, lê koçika tejan lê dizî

Lo, lo, lo, lo koçika tejan jê dizî.

 

Lê, lê, lê, lê xastîya mine dimdimî

Lo, lo, lo, lo xastîya mine dimdimî.

 

Lê, lê, lê, lê kulîn serda hedimî

Lo, lo, lo, lo kulîn serda hedimî.

 

Lê, lê, lê, lê rûvî nîne, bizine

Lo, lo, lo, lo rûvî nîne, bizine.

 

Lê, lê, lê, lê poçka xwe kir şûjine

Lo, lo, lo, lo poçka xwe kir şûjine.

 

Lê, lê, lê, lê rûvî hatin ser bîra

Lo, lo, lo, lo rûvî hatin ser bîra.

 

Lê, lê, lê, lê bû pismamê wan pîra

Lo, lo, lo, lo bû pismamê wan pîra.

 

Got: Çîçeka Cemal.

 

Lo dilo

 

Lo dilo, dilo, lo dilo

Lo dilo, dilo, lo dilo.

 

Emê îşev li ku bin

Lo dilo, dilo, lo dilo.

 

Ha li ser pira Qersê bin

Sêfîlo dilo, sorgulo.

 

Emê mêvanê bestê bin

Lo dilo, dilo, lo dilo.

 

Emê girtîyê hebsê bin

Sêfîlo dilo, sorgulo.

 

Sibeye, sibe nabe

Lo dilo, dilo, lo dilo.

 

Sibeye, sibeye nabe

Sêfîlo dilo, sorgulo.

 

Zerî raza, ranabe

Lo dilo, dilo, lo dilo.

 

Zerî raza ranabe

Sêfîlo dilo, sorgulo.

 

Dil ketîye, çare nabe

Lo dilo, dilo, lo dilo.

 

Dil ketîye çare nabe

Sêfîlo dilo, sorgulo.

 

Sibeye tevê daye

Lo dilo, dilo, lo dilo.

 

Sibeye tevê daye

Sêfîlo dilo, sorgulo.

 

Zêr li anîyê xûdaye

Lo dilo, dilo, lo dilo.

 

Zêr li anîyê xûdaye

Sêfîlo dilo, sorgulo.

 

Ser sîngê zer vedaye

Lo dilo, dilo, lo dilo.

 

Ser sîngê zer vedaye

Sêfîlo dilo, sorgulo.

 

Riataza

Derheqa nivîskar da

Têmûrê Xelîl

Berpirsyarê malpera me, sêkrêtarê Komeleya Nivîskarên Kurd li Swed, endamê Yekîtîya Rojnamevanên bajarê Moskvayê, nivîskar û rojnamevan. Fakulta fîzîk-matêmatîkê a zanîngeheke Ermenîstanê temam kirîye.

Qeydên dişibine hev