Serxweşî bo kirasguhastina Baba Şêx

Serxweşî bo kirasguhastina Baba Şêx

Me bi dilekî kovan behsa derheqa qedemguhastina rêberê ruhanî yê êzdîyan Baba Şêx (Xurto Hecî Îsmaîl) bihîst.

 

Ew bo bawermendan mînakekî dilovanîyê û dilrehmîyê bû, ber Xwedê duaçîyekî rasteqîn bû.

 

Qedemguhastina wî derbeke giran bû bona hemû bawermendên dînê êzdî li tevaya cihanê û herwiha bo temamîya gelê kurd.

 

Ewî bi helalî û serbilindî qulixî miletê xwe kir, dû xwe ra şuxulên qenc hîşt, ku wê herdem jî ji mirinê xurttir bin.

 

Bîranîna wî ya geş wê heta-hetayê di dilê wan hemû kesan da bimîne, ku wî nas dikirin û karê wî yê pîroz qîmet dikirin.

Baba Şêx di nava gelê kurd yê pir olî da sîmvola yekîtîya gelê kurd bû, nîşana berbihêrîyê, dilovanîyê û hevgirtinê bû.

Baba Şêx di rojên oxirmên giran da bo olka êzdîyan hêvî û piştovan bû.

 

Ezê tu caran rasthatinên xwe yên bi wî ra li Moskvayê û Kurdistanê jibîr nekim. Me derheqa pirsgirêkên êzdîyan û rêyên çareserkirina wan da gelek xeberdaye. Ewî rind derc dikir, ku lazim e di dînê êzdîtîyê da çend rêforman bikin. Germaya destên wî wê herdem bi min ra be. Ji wî gûl û nûr dibarî.

 

Ez serxweşîyê didim hezkirîyên Baba Şêx, hemû êzdîyên cihanê, tevaya gelê kurd.

 

Rêvebirê Civaka Piştevanî û Hevkarîyê bi gelê kurd ra – Yûrayê Şamil Nebîyev

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev