Berhemên kurdên Sovyet digihîjin hemû kurdan

Berhemên kurdên Sovyet digihîjin hemû kurdan

Li vê vîdêoblogê Têmûrê Xelîl wê behsa wê yekê bike, ku çawa ew û çend neferên malbeta wî eva 50 salî zêdetir e berhemên ku kurdên Sovyeta berê efirandine, bi riya werger û transkrîpsyonê kirine milkê tevaya gelê kurd û wî karê pîroz heta niha berdewam dikin.

 

Wek nimûne, bavê Têmûrê Xelîl – Xelîlê Çaçan di dema serokatîya radyoya Rewanê ya 24 salan hema bêje hemû stiranên wê ocaxa gelê me gîhandine tevaya Kurdistanê, Têmûr bi xwe hemû berhemên kurdzanan yên sereke ji rûsî û ermenî wergerandine kurdî. Vê care wê behsa wê yekê bê kirinê, ku çawa ew bi herdu keçên xwe – Mîdîyayê û Dîdarê – ra zêdeyî 20 berhemên folklorê ji tîpên kirîlî û latînîya kurdên Sovyetê berê tîpguhêzî kurdîya latînî ya îroyîn kirine, beşek ji wana çap bûne, beşek ber çapê ne û tîpguhêzîya beşek ji wan berdewam e.

 

Têmûrê Xelîl wê herwiha behsa astengên li ser riya pêkanîna van karên pîroz bike û rûyê hinek kesan eşkere bike, ku piranîya wan di nav gel da wek ronakbîr û xizmetkarê gelê kurd têne naskirin, lê di rastîyê da xîyanet kirine.

 



Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: info@riataza.com

Qeydên dişibine hev

Bersîvekê binivîse

Your email address will not be published. Required fields are marked *