Çend AFORÎZMÊN Arthur Schopenhauer

Çend AFORÎZMÊN Arthur Schopenhauer

Çend dersên jîyanê ku nivîskarê malpera me bo we amade kirine

Gird Elî

 

– Nêvî ji aqilmendîya dinyayê ne heskirin û ne nefret e, nêvîyê din jî hişbûn û bê bawerîbûn e.

– Hemû netew tinazan bi hevedin dikin û hemû jî rast in.

– Sedema hemû gumrehîyê ew e ku xwestekê zanist tepeser kiriye.

– Cidîyeta ku li paş henekan were veşartin mîzah e. Heneka ku li paş cidîyetê were veşartin tinaz e.

– Jiyîn jankêşandin e.

-Xwendin ew e ku tu li şûna yê xwe bi serê yekê din difikire.

– Çil salên pêşî ên jiyanê nivîs e; sîh salên li dû hemî şirove ne.

– Xwestina azad nîn e, lewra ku sedemek ji her tiştî re heye û ez nikarim sedeman îdare bikim, ji ber wê ye ku divê sedemek ji xwesteka min re jî hebe.

– Yê ku ji tenêtiyê hes neke ji azadîyê jî hes nake.

– Dostê her kesî, ne yê tu kesî ye.

– Xembarî beşek ji xwezayê bi xwe ye.

– Bi kirinên xwe em lê hay dibin bê em kî ne.

– Bi xêra yextyarîyê ye ku em bi bextewarî dikanin li jinekê temaşe bikin bêyî xwestekekê.

– Nefret ji dil, piçûkdîtin ji serî tê.

– Zeka (têgihiştin) navmalîya xwestekê ye.

– Jîyana bê jan bê mane ye.

– Jiyan dikanek e ku mesrefên xwe dernaxîne.

– Jiyan ne ji bo jiyînê, ji bo tehemulkirinê ye.

– Xemxurî bingehê hemî moralî ye.

– Wezîfa nivîskarê romanê ne ew e ku bûyerên mezin destnîşan bike, lewra ew e ku bûyerên piçûk balkêş bike.

Riataza

Derheqa nivîskar da

Gird Elî

Di sala 1964 an li Bakurê Kurdistanê, li gundekî Nisêbînê (Zorava) hatime dunyayê. Xwendina navîn û gimnaziya li Nisêbîn xwend. Li Swêdê jî pedagojî xwend û bû mamostayê piçûkan. Heta nuha du pirtûk çap kirine yek di sala 1994 an de bi navê MEHKÛM weşanên Welat, ya din jî di 2015 an de DEREWEKE PIÇÛK weşanxaneya Apec

Qeydên dişibine hev

Bersîvekê binivîse

Your email address will not be published. Required fields are marked *