Pirsa we û bersîva me – 172

Pirsa we û bersîva me – 172

Xwendevanên delal, wek hûn dibînin malpera me beşa xwe a bi sernavê ”Pirsa we û bersîva me” bi serketî bi rê va dibe. Rêvebira wê beşê nivîskara malpera me Nura Şane ye. Hemû pirsên ku redaksyonê ra têne şandin, em ji Nura delal ra dişînin û ew an bi xwe, an jî bi alîkarîya redaksyona malpera me bersîva pirsên we bide.

Emê çend heftêyan cûrê pirskirin û bersîvdanê biguhêrin. Ne ku wê xwendevan pirsan bikin û emê bersîvan bide, lê Nura Şane wê pirsan li zimanhezekî me Qasimê Xelîlî bike, hemû jî pirsên derbarê zimanê kurdî da. Bo pêkanîna vî karê pîroz di navbera malpera me û Qasimê Xelîlî da lihevkirinek heye.

 

Pirsa Nura Şane û bersîva Qasimê Xelîlî

 

Pirs: Gelo tu dikarî behsa NIVÎSANDINA PEYVÊN HEVEDUDANÎ bikî?

 

Bersîv: Peyvên hevedudanî (birleşik) ji çend hêman (unsur) û peyvan pêk hatibin yek wateyê didin û bi hev ve têne nivîsandinê.

 

mînak:

 

hiştevlihev

devliken

biserketî

liberxwedan

bikaranîn

destpêkirin

devjêberdan

 

Lê dema lêkereke (fiil) hevedudanî li gel qertafên demî û yên kesane bêne bikaranîn (ango lêker bête kişandin) wî çaxî her hêman bi serê xwe dibe xwedîerk (xwedîwezîfe) û ji hev cuda têne nivîsandinê.

 

mînak:

 

BIKARANÎN

Bikaranîna vê telefonê zor e. Ez ê ya dî bi kar bînim.

 

DESTPÊKIRIN

Bername kengî hate destpêkirin? Seeteke dî dê ji nû ve dest pê bike.

 

DEVJÊBERDAN

Dev jê berde, nebêje devjêberdan ne hêsanî ye! Tu bixwazî ne zor e.

 

Riataza

Derheqa nivîskar da

Nura Şane

Nura Şane 2 zanîngeh temam kirine, yek a Zanyarîya Tundurustîyê, a din jî a Dadmendîyê, niha di nexweşxaneyeke biyanî da li Stembolê kar dike. Nivîsên wê bi taybetmendîyên naveroka xwe, bi zimanê kurmancî yê dewlemend va wê ji hemû nivîskarên kurd, xwesma nivîskarên jin, cuda dike û gelek kes dixwezin çav bidine wê.

Qeydên dişibine hev