Kovara Bîrnebûn, hejmara 79an derket

Kovara Bîrnebûn, hejmara 79an derket

Elî Çiftçî, redaktorê kovarê

 

Koma hevkarên vê hejmarê ev kes in:

 

Alî Çîftçî, Adem Akat, Altun Başaran, Abdulbakî Xalîsînan, Seyfi Doğan, S. Erdem, Mûlla Evîndar, Mem Xelîkan, Nuh Ateş, Ehmed Mîlan, S. B. Xell, Îhsan Türkmen, Mehtab Îdelî, Xizan Șîlan, Hesenê Metê, Seyîdxan Anter, Bêrîvan Keskîn, Rohat Alakom, Hızır Akbina, Cutyar T. Hawramî, Rojvan Enes, Sevîm Güvren, Ferîdun, Remzî Kerîm.

 

Babetên nivîsan wiha ye:

 

Li Stockholmê bi navê Mekteba rojên şemîyan mekteba kurdî hat vekirin. Sevîm Güvenê bi sernivîsa Dîtinên min li ser Mekteba Şemîyê li bajarê Stockholmê dilşahîya xwe pir xweş nivisîye. Mala wê ava! Em bi hêvî ne ji vira ha carina ji kovarê re, bi vî zarê xwe yê xweş nivîsan binivîsîne. Hewcedarîya kovarê bi kesên ciwan, ji nesla duyem ên bi fikir û dîtînên nû kovara me dewlementir bikin, heye. S. Erdem, bi sernivîsa Navên navlêk, Rohat Alakom lêkolîneka li ser Sînega êzdîya, Îhsan Turkmen bi rêzenivîsa Colo-5, S. B. Xell ji erf û edetên me Zewac û dawet lêkolînek, Seyidxan Anter ji bo bibîranîna seydayê Cîgerxwîn, bi sernivîsa Raman, wêje û du lingên pînika mirîşkan, nivîsandîye. Ehmed Mîlan ji çarînên Omer Xeyam werger ji farisî bo kurmacî kirîye.

 

Mem Xelîkan rêzenivîsa xwe ya 5an kilameka ji gundê Omê ya bi navê Birtî bi pêşgotinekê şirove kiriye.

 

Cutyar T. Hawramî di derheqê Memdûh Selîm Begê Wanî, Mehtab Îdelîyê Di kurmancîya Anatolîya Navîn de guherîna zayenda navan, Xizan Şîlan pexşanek bi navê Ey mirov!, Ferîdun henek/yaranî, Abdulbakî Xalîsînan, Seyfî Doğan, Adem Akat, Berîvan Keskîn, Rojvan Enes, Mûlla Evîndar bi helbestên xwe, Hızır Akbîna bi sernivîsa Baqo û Halkın Yolu, Nuh Ateş bi wergera çîrokeka almanî ji yên Grimm, Gur û heft karik, Altun Başaranê bi şare, Hesenê Metê bi wergera kurteçîrokeka ji Göran Tunström a bi navê Jimmy Tulpan ji swêdî bo kurmancî, ev hejmara dewlementir kirine.

 

Me bi navê quncika şagirdan quncikeka nû ji bo şagirdên ku dersên kurdî werdigrên vekirîye. Remzî Kerîm berhemeka ji 12 şagirdên ji kurmancên Anatolîyê, ji gundên Omera, Celebê, Încovê û Bulduxê ji sala xwendinê ya 2016-2017an bûye, bi sernivîsa Tîyatro-Xostin bi kurtenivîseka ronîkirinê amade kirîye.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev