GOTINEKE ŞAŞ JI BO MIRIYAN

GOTINEKE ŞAŞ JI BO MIRIYAN

Zeynelabidîn Zinar, nivîskar/lêkolîner

 

Diyar e ku îsal mirin li piraniya niştecihên dinyayê zêdetir bûye.

Bêguman, mirin xalek ji zagona jiyanê ye.

Devera ku jiyan lê hebe, wê mirin jî lê çêbibe.

Lê gotineke şaş ku ji bo miriyan tê gotin ev e:

– ”Çû ser dilovaniya Xwedê.”

Yan jî weha tê gotin:

– ”Çû ser dilovaniya xwe.”

Di kurdiya kurmancî de gotina ”çû ser…”ê, pir çewt e û di gelek cihên din de ku wate mustehcen e jî, tê bikaranîn.

Ji ber ku mirî nikare here ser dilovaniya Xwedê, lê bi ferman diçe ber dilovaniya Xwedê. Nexwe divê weha bê gotin:

”…çû ber dilovaniya Xwedê.”

Çewtiya din jî ev e ku tê gotin:

”Çû ser dilovaniya xwe.”

Eger mirin dilovanî bûya, wê her kes bi reqs û dîlan çûbûna mirinê.

Lê mirin ne dilovanî ye û çu kes jî naxwaze ku zû bimire.

Gotina rast, çewa ku li jorê hatiye diyarkirin, divê weha bête gotin:

”…çû ber dilovaniya Xwedê.”

Di kurmancî de hin gotinên dî jî hene ku ji bo miriyan têne gotin.

Ew jî ev in:

 

. …koça dawîn kir.”

. …dinyaya xwe guhart…

. …ji dinyayê çû…

. …cî guhart…

. …cil guhart…

. …mir…

 

Gotina bi nezaket, rêzmend, rast û rewa ku ji bo mirî bête gotin, dîsa ev e:

”…çû ber dilovaniya Xwedê.”

Xwedayê mezin temenekî dirêj û jiyaneke xweş û aram bide hemû kes û hemwelatiyên me, herweha bide hemû mirovên qenc û zana…

 

Wêne: Yaqûb Kurmanc

 

Riataza

Derheqa nivîskar da

Zeynelabidin Zinar

Bav û kalên wî tev mela bûne û ders dane şagirdan. Ew bi xwe jî berhemê Medreseya Kurdî ye. Wî 11 sal Medrese, 3,5 sal Imam-Xetîm, çar sal lîse xwendiyte. Rêvebirê malpera www.pencinar.se e. Bi dehan pirtûkên folklorî çap kirine.

Qeydên dişibine hev