Bêje…!?

Bêje…!?

Xudanê vê helbesta delal ji me ra ha nivîsîye:

Helbestek bo malpera we a qeşeng ra

 

Mihemed Hesko (Birasoz) 

 

Bêje, ne xweda çarin

Her çar bê cî û warin

Bê bavin û sêwî ne

Him qelsin, him bawî ne

Bê sûdin û nekêrin

Aşin hestan dihêrin

Ramankirin gunehe

Bo gawiran dergehe

Bêje kurd bê welate

Bê tevger û xebate

Bi xwe cinok û hovin

Bê zarin ne mirovin

Jîn ne hest û helweste

Ew bo mirov mebeste

Ponijîn jî tawane

Ji dînan re meydane

Dildar tirsonekin

Bê helwest jî wêrekin

Azadî lele û bende

Bi êş û jan û derde

Bo tirsokan armance

Ji mêrxwasan re kince

Bêje, ne ceh birince

Reşreng li spî digunce

Zanebûn êş û jane

Nezan baş û hêjane

 

Pût û peyker avîne

Evîn jî dexs û kîne

Çem, derya bê masîne

Derdê debeng nasîne

Ba bê liv û tevgere

Av herdem hildigere

Av û ba tev dixewin

Kûçik jî qet narewin

Av bi reng û bi bîne

Pelê daran disotîne

Bêje, ma ne kurd têre

Û xew jî, jê re xêre

Kefen jî gewr û reşe

Lewra term jê bê beşe

Ba pir giran û tîre

Tîrkevan jî bê tîre

Kulîlk bê reng û bîne

Jiyan bê dexs û kîne

Bêje, ne agir sare

Zivistan jî bihare

Derewa pîroz raste

Ji bo ku di ser aste

Pê bawer dibin hejar

Ta bimînin ber dîwar

Pisîk û mişk bûne xwîşk

Yek berdeste yek bijîşk

Hinguv tirş û him tale

Dewlet bê nexş û ale

Hevgirtin tar û mare

Xebat qet ne ti kare

Xebata ne bi şabaş

Mirov dihêle li paş

Gur û hever hevalin

Temen ne meh û salin

Bêje, ker bi qiloçin

Dê û bav hîç û pûçin

Neynik jî derewîne

Dil bê evîn û xwîne

Av bi xwe dere ser êş

Kes tune bi kul û êş

Kevir û zinar nermin

Berf û qeşa germin

Ezman bi sing û stûne

Banekî ji bêtûne

Derew rût û tazî ye

Rastî jê nerazî ye

Rehê kînê evîne

Hişmend nezan û dîne

Bêje, xinizî başe

Aş bê beraş,qeraşe

Nezanî pêşketine

Nasîn jî paşketine

Dilsozî debengîye

Dizîn jî lehengîye

Bêje, vireko bêje

Jehra neyran birêje

 

Bêje bêbexto bêje

Ev xapandin ji mêje

Ev karê bavên te ye

Virek ji navên te ye

Çi yê derewê raste?

Çawa teleme maste!

N,rastîya virê ewe

Ku tenê rast derewe!?

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev