Talîban li Efxanistanê Mîrîtiya Îslamî radigihîne

Talîban li Efxanistanê Mîrîtiya Îslamî radigihîne

Tevgera Talîbanê, Mîrîtiya Îslamî li Efxanistanê ragihand û şandeyên dîplomatîk piştrast kir ku ewlehî û jiyana karmendên wan dê li Kabûlê were parastin û Efxanistan ji bo tu welatekî cîran nabe metirsî.

Berdevkê Tevgera Talîbanê Zabihullah Mucahîd di kongreyeke rojnamevanî de ragihand ku sîstema siyasî ya Efxanistanê dê Mîrîtiya Îslamî be û li ser binemayê qanûnên Îslamî be.

“Piştî salekê ji têkoşînê, me karibû hêzên dagirker ji welatê ku ji bo hemû gelê Efxanistanê rûmet e derxin” û wiha got: “Êdî şer bi dawî bûye û efûyeke giştî derketiye, hesab ji tu kesî nayê pirsîn û her kes azad e.”

Berdevkê Talîbanê weha jî got, ku Mîrîtiya Îslamî Neteweyên Yekbûyî û hemû balyozxane û şandeyên diplomatîk ên li Kabûlê misoger dike ku asayiş û jiyana karmendên wan parastî bin û dê tirs û dilgiranî nemîne. Tekezî li ser wê jî kir ku ew dê welatên cîran piştrast bikin ku Efxanistan nabe metirsî bo ser asayişa tu welatekî.

Di bareya karê medyaya Efxanistanê de jî Zabihullah Mucahid gilî kir û got, ku wan ne xwestiye rojnamevan û dezgehên ragihandinê ji welêt derkevin û bi mercê ku rêz li prensîbên Îslamê bigirin û bi yekalî nûçeyan belav nekin. 

Çavkanî: https://kurdishdc.org/

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev