Fîlmê derhênerê kurd li Karlovy Vary xelat wergirt

Fîlmê derhênerê kurd li Karlovy Vary xelat wergirt

Kamîz Sheddadî

 

RÛDAW. Fîlmê sînemayî “Ezmûnya derhênerê kurd Şewket Emîn Korkî di 55. Festîvala Fîlman a Navneteweyî ya Karlovy Vary ya Komara Çekê de, xelata Federasyona Navneteweyî ya Rexnegirên Fîlman wergirt.

 

Federasyona Navneteweyî ya Rexnegirên Fîlman – Yekîtiya rêxistinên neteweyî yên derhênerên profesyonel, rexnegirên fîlimê û rojnamegerên fîlimê ji çaraliyê cîhanê ya ji bo “pêşvebirin û pêşxistina çanda fîlimê û parastina berjewendiyên pîşeyî” ye. Di hezîrana 1930 -an de li Brukselê hatiye damezrandin.

 

Fîlmê “Ezmûn” berhemeke hevpar ya Başûrê Kurdistanê, Elmanyayê û Qatarê ye.

Li Karlovy Vary derhênerê fîlmê Şewket Emîn Korkî, berhemhêner Mehmed Aktaş û akterên rolên sereke Avan Cemal û Vanya Salar beşdarî çar pêşandanên fîlimê bûn.

 

Fîlmê “Ezmûn” bi hevkariya kompaniya “Mitos Film” ya Berlînê û “Mesti Film” ya Silêmaniyê, bi piştgiriya Wezareta Çandê ya hikumeta Başûrê Kurdistanê hatiye hilberandin û ji aliyê kompaniya Almanî “Art Hood” ve li seranserê cîhanê tê belavkirin.

 

Ji bilî Avan Cemal û Vanya Salar, ku rolên sereke dilîzin, di fîlmê de Husen Hesen, Şivan Atof, Hushyar Zêro Nervei, Nigar Osman, Kawe Dadir û Adil Ebdurehman jî dilîzin.

 

Festîvala Fîlman a Navneteweyî ya Karlovy Vary ji sala 1948 -an vir ve tê li dar xistin. Di 2021 -an de, ew ji 20 -ê heya 28 -ê Tebaxê pêk hat, ku tê de zêdetirî 200 fîlimên dirêj û belgefîlm ên nû hatin pêşandan.

 

Xelata Mezin a “Kristal Globe” di 55emîn Festîvala Fîlman a Karlovy Varyê da fîlmê “Heya ez dikarim bimeşim” a derhênerê Sirb Stefan Arsenjevic bû.

 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev