Ziman û nîştiman

Ziman û nîştiman

Çend gotin li ser israra min ya ji bo bikaranîna zimanê kurdî

Şemsettin Işıklı

 

Hin caran û hin mirov li ser semîmiyet û dirustiya min hin tişt dinivîsin û lêdipirsin. Min hewceyî pê dît ku helwêsta xwe di çend xalan de bi we re parve bikim.

 

1- Dê û babê min tirkî nedizanîna û ez hîn jî baş bi tirkî nizanim.

2- Piştî salên 1970yî têkiliya min bi Mamê Feqî re çêbû wek siyaset min giringiya zimên fêm kiribû. Ez hay ji Dr. Şivan jî mam ku kurmancî di 18 mehan de hîn bûye, lê xebitiye ku zimanê siyasetê bike zimanê kurdî. Rêzimana kurmancî nivîsiye û di salên 1975an de notên wî ket destê min û min wê demê nusxeyekê bi dest nivîsîbû.

3- Min bi vê hişmendiyê di sala 1972an de li gundê xwe bi kurmancî xutbe amade kir û xwend.

4- Ez jî li gor fehma wê demê li ber pêlan diketim lê her gav di zimanê xwe de bi îsrar bûm.

5- Ez mamosteyê zimanê îngilîzî bûm. Min tu zarokên kurd hînî zimanê tirkî nekiriye.

6- Ez tu wextê lê nexebitîme ku zimanê tirkî baş biaxivim û min vê ji xwe re wek kar nedîtiye.

7- Min di jiyana xwe de tim kurdîtî û zimanê xwe derxistiye pêş.

8- Ez bi zarokên xwe re tenê bi kurmancî diaxivim û dinivîsim.

9- Ez bi xwarzî û biraziyên xwe re, bi hemû kesên kurmancîaxêv re kurmancî diaxivim.

10- Çend îstisna ne têde zimanê min yê sohbet, niqaş û danûstandinê tim kurmancî ye.

11- Min bi serbilindî di refên Pêlkurdê de cî girtiye û zimanê Pêlkurdê kurdî ye.

12- Ez ê di xeta Pêlkurdê de têkoşîna xwe ji bo zimanê xwe, ji bo rizgariya welatê xwe bi hişmendiyeke neteweyî û serxwebûnxwaz bidomînim. 

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev

Bersîvekê binivîse

Your email address will not be published. Required fields are marked *