Serok Barzanî: Şêx Şemo kesayetekî kurdperwer û niştimanperwer bû

Serok Barzanî: Şêx Şemo kesayetekî kurdperwer û niştimanperwer bû

Hewlêr (Rûdaw) – Serok Mesûd Barzanî di peyamekê de ji ber koça dawî ya Serokê Navenda Rewşenbîrî ya Laleşê û Şêwirmendê Serokwezîrê Herêma Kurdistanê bo Karûbarên Êzidiyan Şêx Şemo, sersaxî ji malbata wî û civaka Kurdên Êzidî re xwest.

Baregeha Barzanî peyama sersaxiyê ya serok Barzanî weşandiye, ku tê de tê gotin, “Bi bihîstina nûçeya koça dawî ya kesayetiyê diyar ê Kurdistanê û Serokê Navenda Rewşenbîrî ya Laleşê Şêx Şemo em xemgîn û dilgiran bûn.”

Serok Barzanî di beşeke din a peyamê de ku arasteyê malbata Şêx Şemo û civaka Kurdên Êzidî hate kirin wiha got: “Şêx Şemo kesayetkî kurdperwer û niştimanperwer bû ku zimetekî baş bo doza xwîşk û birayên Êzidî û pêkvejiyan û aştiyê kiriye. Ji destdana wî windahiyeke mezin e.”

Barzanî herwiha dibêje: “Sersaxiyê ji malbat, kesûkar, nas, dost û hevalên wî yên Navenda Rewşenbîrî ya Laleşê dixwazim û  em hevxemê we tevan in. Ji xwedayê mezin hêvîdarîn aramî û hedarê bi malbata we ya birêz û kesûkarên we bibexşê, ruh û giyanê Xwedê jêrazî Şêx Şemo bixe ber dilovaniya xwe.”

Serokê Navenda Rewşenbîrî ya Laleşê û Şêwirmendê Serokwezîrê Herêma Kurdistanê bo Karûbarên Êzidiyan Şêx Şemo li paytexta Tirkiyê bajarê Enqerê ji ber coronayê jiyana xwe ji dest da.

Riataza

Derheqa nivîskar da

RIATAZA

Malpera nûçeyan derheqa kurdan û Kurdistanê da; Ji bo malûmatîyên zêde berê xwe bidine vê navnîşanê: [email protected]

Qeydên dişibine hev